在我未信主之前，我個人是非常消極悲觀的人（想過去跳海自殺）。我有九兄弟姊妹，但關係好疏離甚少溝通，個人好納悶，就藉著賭馬、買六合彩、打桌球來麻醉自己。後來有位醫師弟兄常常邀請我返教會，不過當時的我諸多藉口推辭。直至2015年9月29日，在弟兄醫館碰見了恩光堂弟兄而信了主！
當我第—日返敎會，就有弟兄邀請我返約翰團契小組，有弟兄為我痛風病情祈禱，因為這個病情其實困擾咗我好耐，有時為咗這個病都會覺得好辛苦，有諗過想死咗去就算喇，有時夜晚又瞓唔到。每個月—次啲小組活動中，弟兄都為我祈禱，漸漸我無咁消極，個人都無再諗死。感謝弟兄為我祈禱支持著我，感謝主。
信主之後，我曾經因為家人的誤會，有很多的唔開心，我都將呢件事交比主。有一日，我突然收到電話，話大家姐出咗事入咗醫院，有好多弟兄姊妹知道就為我禱告。雖然與家人有誤會，但我都選擇去探望大家姐，不知點解，去到見到大家姐就喊起來，一齊抱頭痛哭，原本同大家姐有誤會，令我好困擾，唔開心咗好耐。原來以為不好嘅事，藉著禱告的力量，都可以化為祝福，因此我同大家姐冰釋前嫌。感謝主的恩典！
自從加入教會之後，帶領我信主嘅弟兄姊妹，鼓勵我上查經班，藉著主嘅愛，我心靈開始慢慢轉化，不單戒除咗賭馬和六合彩了，家人亦見到我生命其他的改變。後來，我開始參加咗教會的糾察隊同詩班，在係呢兩年的事奉上，我感受到自己改變咗好多，我以前係—個斤斤計較既人，在工作上認為唔係自己工作範圍，就—定唔會做。但在敎會事奉(糾察隊)，卻越做越起勁。在每個月一次的詩班中，有—位很好老師，敎我用詩歌去歌頌耶和華，非常感恩！感謝主的恩典！榮耀歸主耶穌基督！