他們栽在耶和華的殿中，在我們 神的院子裡繁茂生長。
他們年老的時候仍要結果子，經常保持茂盛青翠，
好顯明耶和華是正直的；他是我的磐石，在他裡面沒有不義。
詩篇 92:13-15 (新譯本)
當我讀聖經讀到這節經文時就想起舊約兩位屬靈前輩，摩西同迦勒，佢地到晚年仍然忠心去侍奉神耶和華，佢地一生所做所侍奉的都是豐功偉績，當然我同佢地比就係蚊比同牛比了。
但佢地就成為我效法嘅對像，我今年已經68歲啦，我還可以為神做啲咩呢？
我係吾係咁就渡過我晚年餘生啩？
我除咗有姊弟妹子姪親人之外，我已經孑然一身，了無牽掛了（想知我為何會咁，可以私下約我了解，我樂意同你分享）。
宜家教會係我家，弟兄姊妹係我家人。
我除咗個別去服事有需要嘅弟兄姊妹同佢地家人之外，
我還可以在教會屬靈這個家做啲咩呢(金和銀我都無，甘乃迪總統也曾講過，你想國家比到啲咩嘢你呢？定係你能為國家做到啲咩嘢呢)？
除了在教會有時做下些少維修之外，我還可以為神為教會擺上啲咩呢？
感謝主！我們一班弟兄姊妹經過禱告之後，神就比我地對這區長者有負擔，於是我們同可榮牧師商量之後，她亦同意我們的建議，
多謝可榮牧師比我地有機會同放心去服侍這區嘅長者，我地就成立了一個活力團契（係區Sir改嘅，同時我地有班退咗休及家庭主婦及半職熱心事奉嘅肢體參與，逢星期三3点開始，暫時長者人數從派米到如今都有十幾廿個到。
早幾年有好多其他教會嘅肢體邀請我幫手做長者團契，但我遲遲未有應承佢地，當時還未有咁嘅負擔
宜家我已經退咗休有七年了，今次經秀蓮姊妹嘅邀請我就應承咗，原來在活力團契比我有機會去操練同發揮，當然在過程中有好多不足同甩漏嘅地方，我個人無咩經驗。
我地都異口同聲話好似在打木人行咁，好在長者吾介意我地一切，我地同佢地一齊，大家都好開心，我覺得大家所攞出嚟嘅係一棵真誠對人嘅心去補夠嘅不足
還有上帝睇住我地，加能添力比我地去做！我地就樂意去做了。
事實上，在天父的恩典裡，那怕自己的年紀和日子如何，想到還能夠關懷長者，同他們分享基督的愛，期望他們會信主，就是非常開心的事。
將一切榮耀頌讚都歸比我地三一嘅神！